薑媽

营业中

休息中

牛头角附近好少cafe，但系最近俾我揾到一间日式家庭风嘅cafe，午市仲成日爆场，想食嘅朋友仔记得预早少少时间等位。餐厅主打日式定食同便当，另外都有手作汉堡等等。韩式辣酱猪肋骨定食 $118一共有4款一汁三菜定食，款式会定期转。每份定食选用日本国产米，配有味噌汤、渍物、1款冷菜加1杯热饮。我就拣咗韩式辣酱猪肋骨，一碟有七件猪肋骨，每件都啖啖肉，入口滑嫩。酱汁少少辣，送饭一流。吉列珍宝蚝及竹荚鱼定食 $130同事就叫咗吉列珍宝蚝及竹荚鱼。珍宝蚝好大只，炸得香脆金黄，唔错。