無敵家

营业中

休息中

今日喺朋友嘅介绍之下，我哋拣咗上环依间无敌家日本嘢食晚饭餐厅系两层楼高，遍布住一啲日本元素嘅装饰一上场嘅炸鸡热辣辣，有沙律酱同埋柠檬喺隔篱咬开之后，你见到啲肉质非常之结实饱满多汁，绝对冇出现𠮶种炸粉同肉分离嘅情况芝士年糕十分烟靭，入边嘅芝士唔系好浓，所以食起上嚟唔会好腻，但系又做到𠮶种坚韧嘅感觉，值得一试讥烧鲍鱼店员已经好贴心咁切开咗两份，鲍鱼入味之余又唔会好干柴，有咬口，有味道👍🏼串烧方面我哋叫咗，由左边开始嘅，鸡软骨、鸡翼、鸡髀肉，同埋荔枝豚肉串烧嘅火候啱啱好唔会烧到㶶晒，鸡髀肉好有厚度，烧完之后仲系好多汁。肉食兽一定好钟意。🙈豚肉荔枝都好值得一试。主要系荔枝嘅酸酸甜甜中和咗烧肉嘅𠮶种油腻。清新我哋惊唔够饱，所以叫咗个叉烧拉面，面质弹牙。最尾嚟嘅鱿鱼上面洒咗一啲炸蒜喺度，成条鱿鱼嘅份量超大，而且好弹牙。