野川拉麵 (已結業)

星期日又系四处揾食的好日子，今次就黎到位于元朗的野川拉面。餐厅好有日式风格，感觉置身日本的居酒屋。猪软骨拉面配猪骨汤，首先猪软骨好腍，而且好入味，拉面好弹牙而且猪骨汤好香好浓！叉烧拉面配芝士辣汤，好少地方有芝士辣味汤底，芝士味好香，但味道就唔系好辣，而叉烧大件抵食，肉质嫩口。而流心蛋煮得刚刚好，一咬落去啲蛋汁就流晒出来，好好味。炸饺子热辣辣上枱，饺子炸得好金黄香脆。日本南瓜饼炸得香脆可口，但入面啲南瓜茸好幼滑，而且好甜，好好食！泰式生虾，虾肉鲜甜美味，肉质好爽滑，而且好新鲜，㸃埋个汁简直一流！黄金烧广岛蚝，个蚝焗得刚刚好，仲好juices，而且好够芝士，正！最后饮由日本静冈县直送的绿茶可乐，颜色好靓，可乐味中带点绿茶香味，几特别！