影片
更多
2019-09-29
50 浏览
喺中环威灵顿街嘅一间日本小店，远处就见到10层海胆杯嘅宣传，话俾我哋知要行去嘅方向，然后见到一个细细的门口行到入去系有好多清酒嘅装饰，仲有bar枱，好有日本嘅感觉啊！样样都想试但又无乜idea,早几日先食完刺身寿司，所以就将决定交俾厨师点知有好多新尝试👉🏻小女子合桃：系小女子鱼加合桃，仲有少少白芝蔴系面，好香带有少少甜味，以小食开头，好期待下一款食物👉🏻黑松露芦笋卷好特别嘅质感，芦笋好粗咬落去口感好爽又清新，外面嘅紫菜炸得好脆，上面有蟹籽沙律同黑松露，估唔到日本菜会有呢类西餐常见嘅食物，真系几惊喜！我地坐bar枱，睇住厨师切，真系成条青瓜咁大👉🏻黑松露樱花虾带子新鲜嘅配搭，好睇更好食，带子肥美嫩滑，松露同樱花虾令带子生色不少，加上蔬菜，鲜味更突出👉🏻海胆天妇罗平日食海胆通常都系刺身，一系就系炒饭啦，都冇试过一啲真系煮过感觉，呢个海胆天妇罗真系好有新鲜感，出面系炸好咗嘅紫菜非常爽脆，入面系好鲜味嘅海胆，出面嘅温度完全冇影响入边嘅肉质，仲系好鲜味好滑，而且海胆份量一啲都唔小架，大大啖系口里面真系好满足呀！👉🏻胡瓜鱼卷呢个就最适合夏天食物里面系好清新嘅胡瓜，仲有鱼生片卷埋一齐，下边仲有啲大大
样样都想试但又无乜idea,早几日先食完刺身寿司，所以就将决定交俾厨师点知有好多新尝试
👉🏻小女子合桃：系小女子鱼加合桃，仲有少少白芝蔴系面，好香带有少少甜味，以小食开头，好期待下一款食物
👉🏻黑松露芦笋卷
好特别嘅质感，芦笋好粗咬落去口感好爽又清新，外面嘅紫菜炸得好脆，上面有蟹籽沙律同黑松露，估唔到日本菜会有呢类西餐常见嘅食物，真系几惊喜！
我地坐bar枱，睇住厨师切，真系成条青瓜咁大
👉🏻黑松露樱花虾带子
新鲜嘅配搭，好睇更好食，带子肥美嫩滑，松露同樱花虾令带子生色不少，加上蔬菜，鲜味更突出
👉🏻海胆天妇罗
平日食海胆通常都系刺身，一系就系炒饭啦，都冇试过一啲真系煮过感觉，呢个海胆天妇罗真系好有新鲜感，出面系炸好咗嘅紫菜非常爽脆，入面系好鲜味嘅海胆，出面嘅温度完全冇影响入边嘅肉质，仲系好鲜味好滑，而且海胆份量一啲都唔小架，大大啖系口里面真系好满足呀！
👉🏻胡瓜鱼卷
呢个就最适合夏天食物里面系好清新嘅胡瓜，仲有鱼生片卷埋一齐，下边仲有啲大大粒嘅鱼子，最底系少少酸甜嘅汁，加埋一齐真系好开胃呀!
👉🏻鹅肝多士
我谂应该冇人谂过会喺呢度食到鹅肝多士，但系手法一啲都唔失礼，味道好值得赞，鹅肝煎得啱啱好，咬落去𠮶种嘅油脂香味飘出嚟再留系口中，虽然好有罪恶感咁但系都令人好满足呀！多士好香脆，一件咁细嘅多士都有几种唔同嘅味道同口感，都真系几有心思。
👉🏻柚子乌冬
柚子蜜就饮得多啦成杯都系甜嘅，但系将柚子整成咸嘅嘢，除咗有子鸡翼之外呢个都算系我第二次嘅尝试。乌冬比较清新，柚子味亦都系一样，非常之夹，呢度嘅乌冬好弹牙，上面仲有啲甜蛋丝，我觉得真系好夹呀！
日式芝士蛋糕
食咗咁多嘢都咪话唔饱啊，好彩一路都有侍应加茶等我哋一路饮一路消化。最后仲有呢个日本芝士蛋糕做一个完美嘅句号。芝士味非常之香浓，又唔会太甜，咬落去好滑，芝士味非常之浓郁，但系又唔会好似美式𠮶种味道太强，啱啱雪柜攞出黎可能相对硬少少，但系摆一阵就啱啱好啦！
总结来讲系一餐好有惊喜同好满足嘅晚餐，以后要多啲黎附近发掘下唔同种类嘅小店先得！
后记：日头就好清楚见到门牌上面嘅S2招牌，但去到夜晚呢认住呢串彩色嘅灯就够啦，望落去同之前人地upload嘅图真d唔同，唔使质疑自己惊行错路啦，就系呢度!
喜欢坐吧枱的原因:食系一整个过程，欣赏到厨师点样由食材开始去切同埋烹调，其实都系食嘢嘅乐趣嚟㗎！加上处理食材时自己睇到一定干净，食得安心。
张贴
