MR. MAKI (保和大廈) (已結業)

通常啲人以为湾仔就一定系旧区嘅代表，但系其实一啲都唔系。当区餐厅其实非常之新颖，今日就嚟一间装修新颖，食品都好新潮嘅日式餐厅。首先就系叫咗个”鱼全部都系鱼”配叉烧酱油乌冬，啱晒啲大胃王。佢嘅鱼卷有吞拿鱼拖罗，吞拿鱼赤身，三文鱼，蟹子，仲要口感劲好，因为佢有啲脆脆。仲有成8件咁多。乌冬就正正常常啦，仲有两块腐皮喺度，同一旧叉烧😛仲嗌咗三文鱼两味同埋先生炸鸡四件配日式沙律，仲有波子汽水味梳打。三文鱼两味有腌三文鱼同刺身三文鱼，粟米，牛油果，椰菜，仲要有好多饭，非常丰富。炸鸡都炸得恰到好处唔会太油腻。食完非常满足。真系一间值得推荐嘅新颖，日式小店。嚟开湾仔一定必食。