一鳴丼食堂

营业中

休息中

琴日收工，突然兴起想食餐好既，就系Openrice search 发现大埔开左间新既日本野，而啲食评好似几好，就决定去试下啦。去到门口，隔离一呜拉面好多人排队，但哩间餐厅就无咩人排，心谂会唔会有伏，但我真系好中意食日本野，最后就决定一试。哩间餐厅主打丼饭，如果我自己食一个丼饭就好似太多，就无得试其他野，所以，我最后同朋友share 一个丼饭再叫小食🤤最后就叫左个北海道五品盛，哩个丼饭好丰富，啲鱼生好新鲜。之后仲叫左我最爱既左口边鱼同蟹膏甜虾军舰。 师傅将火灸左口边鱼烧到啲油脂出晒黎，既香又滑。 除左寿司、鱼生之外，我地仲叫左两款串烧，包括汁烧鸡翼同盐烧牛柳粒。鸡翼大小适中，皮脆肉嫩，而牛柳粒既肉质都几好，一啲都唔会太熟坚韧难咬。最后就系我最爱既芝士明太子玉子烧，真系好好食，强烈推介！