Mokumoku Yakiton (厚福街)

营业中

休息中

环境4分：楼上日式居酒屋格局，唔算好大，又有齐散座同吧位，够casual，好有气氛，可以畀四分。卫生5分：虽然个烧炉同厨房响吧位后面，但间舖都一Ｄ都冇好烟，抽气好。枱面有个铁桶放竹签。又可以用个猪耙嚟将D串烧上面嘅食物分开，唔使整到成个嘴都系，绝对系有心思。另外就系间嘢有两个大厕所，好干净，卫生可以畀五分。服务5分：服务员都好后生下，快手快脚，识得主动介绍招牌菜同解释食材来源，又会成日替换Ｄ污漕碟，绝对系满分表现。味道5分：1)      个蒜子蕃茄沙律好鲜甜，果Ｄ生蒜香得完全唔辣，真真好好食。2)      鸡泡鱼干上台果阵时热辣辣，食果阵时烟烟靭靭，饮啖啤酒食一条，唔觉唔觉好快食晒。3)      日本银杏只系秋天收成，要食都要拣时候，食落口有少少甜，少少甘，好得意。4)      鸡翼烧得好香，鸡皮烧到脆卜卜，完全唔油，D肉仲好嫩。5)      猪喉软骨串，呢样嘢真系第一次食，食落口好脆，好似食紧软骨咁样，可以吞落肚。6)      上等猪脷串每串有两块大大块猪脷，几好咬口，烧到唔会好油腻。7)      烧羊架大件又juicy，有羊味但唔算好骚，质数可以媲美五星级酒店西餐厅。