深宵食堂 (已結業)

同老公行完街，佢话呢幢大厦有间日式居酒屋，所以就带我上黎呢度食晚饭。门面同内里都系以日式木系装修，环境干净。坐低左望上用见到好多日本卡通经典摆设，真系好有日本居酒居feel。餐牌选择种类都ok，老公发办叫左几款。鸡泡鱼干：烧过暖暖地，甜甜咸咸，配埋旁边沙律酱够滋味，老公至爱。吉烈广岛蚝：即叫即炸，入口热辣辣，外皮古烈松脆，渗出蚝汁，一d唔干，好味。一口和牛串：一口一粒容易食，食落一d都唔韧，牛味浓，带肉汁，唔错㖞。黑松露炒乌冬：第一啖入口已经觉得好好食，乌冬烟韧，用烧汁炒得好够味道，黑松露味道浓，连d菇都好入味，值得推介👍鹅肝什菌石锅饭：鹅肝系重点，够大块，一d都唔失礼，入口带薄薄油脂，什菌同饭有少少汁，整体几好食。用埋石锅上，食到尾都仲系热，呢个要加分。