古今二 (荃灣千色匯I)

营业中

休息中

之前lunch hour经过见到好多人等位，衬夜晚早收工就黎试试佢啦。座位阔落坐得都舒服，员工好friendly。菜式方面都多选择，不过最特别就系佢有好多款特色嘅卷物，个名都新奇啲🤣份量都几足，下次会想再食呢🙌🏻🔸 火山（HK$88）造型同常见嘅卷物好唔同，卷物上成座山咁，布满青瓜、牛油果、蟹柳、同带子，配住黎食口感超丰富呀😁🔸 金龙卷（HK$88）每次食日本野都一定要叫嘅金龙卷当然都有啦，出面嘅三文鱼配住入面卷住芝士同炸虾，入面嘅炸虾仲保持住脆身，一细口咁食好滋味😋🔸 柚想虾你 （HK$78）夏天想食返啲清新嘅小菜，就试左呢款沙律啦。超大盆，2个人都差啲食唔晒呀😆入面有甜虾，加埋柚子酸酸甜甜好开胃～🔸杂锦天妇罗（HK$88）想一次过食晒几款天妇罗就可以满足下啦，有炸虾、紫薯同青椒虾肉。炸衣好脆身，而且都唔会太油腻。特别中意紫薯个款，好甜好好食🙂🔸原条茄子烧（HK$48）茄子烧超大条，上面仲有慢慢嘅樱花虾。有其他客人路过见到都问呢个系咩菜式黎🤣有酱汁嘅茄子好入味，偏重口味少少呢