三川居酒屋 (已結業)

餐厅位于系铜锣湾Sogo隔离，但位置唔太显眼，所以成日行过都留意唔到。如果唔系朋友讲，可能一直都唔知有间居酒屋系呢个位。餐厅风格非常日式，店内环境以木为主，比人感觉好柔同舒适。而且同一般居酒屋一样，灯光偏昏暗，好适合一班人黎饮酒畅谈。餐厅人太多(坐满)，所以不便影相。赤贝刺身睇个颜色都知系新鲜，色泽亮丽，咬落肉质爽口，鲜甜得黎又带点海水味。牛柳串烧得好好，咬落去会见入面系岩岩熟，仲见到鲜嫩既颜色，肉质嫩滑，完全食到牛既鲜味。大葱猪腩味噌烧猪肉肉质软绵但唔油腻，大葱又吸收左猪肉既味道，正！汁烧帆立贝呢个相对其他菜式就较为失色，但都唔系唔好食，只系无惊喜。角切鱼生丼材料都几丰富，个饭铺满三文鱼，吞拿鱼，章鱼，虾，青瓜等，份量都几大。而且d料又新鲜，唔会话角切就比d唔靓既位你。锅烧汤手打乌冬汤底清甜，乌冬偏软，如果中意食弹牙d既就建议唔好煮咁耐先食。可能因为个汤底好，所以d材料煮完都有种淡淡既甜味，几正。食完成个胃都好暖，正。黎居酒屋又点可以唔饮酒嫁，所以就叫左壶清酒，味道较一般清酒淡，但饮落清香，而且散发住淡淡既甜味。其实平时行完街行到有d攰都可以过黎饮杯酒食下串烧，位置方便，而且食物质素