濱松町日本料理

营业中

休息中

餐厅主要系港人主理，创办人跟随日本师傅学艺多年，位置不显眼，但野食有惊喜。先试左刺身寿司类，刺身拣咗日本直送深海池鱼薄切刺身，肉质细致爽口，味道香甜，鱼片透明色泽润，沾上少许酸酸地特制酱汁；寿司拣左上寿司拼盘（10件），寿司饭落咗赤醋，所以呈茶色，非常特别。另外推介嘅系杂锦天妇罗盛合，即叫即炸，要等得耐少少，炸粉薄，唔会炸得太干，热辣辣好好食。热食方面，蟹膏蟹肉炒饭好值得叫，一上枱已经闻到好香，碎蟹肉嘅份量好多，每一啖都会食到蟹肉嘅鲜味，饭粒粒粒分明，仲有少少蟹籽粒，锦上添花。