影片
更多
2021-05-14
5848 浏览
东京过江龙 权八居酒屋大受欢迎嘅「料理长の逸品厨师发办」又嚟啦！有齐沙律、前菜、刺身、炭烧、汤、寿司、天妇罗/锅物、甜品，足足有8道，相当丰富，岩晒样样都想食嘅朋友仔~厨师发办 原价每位$10881957 & Co. 会员及汇丰信用卡专享「二人同行一人免费优惠」餐厅环境开扬舒适，装潢富日式居酒屋嘅味道，更设有室外位置，十足日本庭院，坐系到食野别有一番风味！和牛套餐 $1088 1️⃣特色脆白饭鱼沙律沙律菜爽脆无苦涩味，面头洒满白饭鱼，风味十足。(不过唔钟意白饭鱼嘅人就要小心啦) 当中更加有软滑嘅蛋，甜甜酸酸嘅蕃茄仔，清新开胃~ 好钟意佢份量十足，可以完美补充纤维。2️⃣权八酥炸虾丸炸虾丸有别于一般圆轱辘咁，而系用上面条包住虾肉，脆得嚟又唔油腻，食落有啲似广东炒面(两面黄)。配埋yuzu chilli，甜甜酸酸几开胃，略嫌虾丸质地唔够弹。3️⃣香葱火鱼炙深海池鱼经火炙嘅深海池鱼，油脂被迫出，入口满满油脂，并带鲜味同炙烧香，软中带爽。酱汁酸尾尾，可以中和油脂感。而呢个时候饮啖日本清酒，除左可以解油腻，仲可以突出深海池鱼嘅鲜味。4️⃣日本A5和牛寿司和牛薄切超大一片，肉质软淋带油脂香，入口带甜充满肉汁。完全
大受欢迎嘅「料理长の逸品厨师发办」又嚟啦！有齐沙律、前菜、刺身、炭烧、汤、寿司、天妇罗/锅物、甜品，足足有8道，相当丰富，岩晒样样都想食嘅朋友仔~
厨师发办 原价每位$1088
1957 & Co. 会员及汇丰信用卡专享「二人同行一人免费优惠」
餐厅环境开扬舒适，装潢富日式居酒屋嘅味道，更设有室外位置，十足日本庭院，坐系到食野别有一番风味！
和牛套餐 $1088
1️⃣特色脆白饭鱼沙律
沙律菜爽脆无苦涩味，面头洒满白饭鱼，风味十足。(不过唔钟意白饭鱼嘅人就要小心啦) 当中更加有软滑嘅蛋，甜甜酸酸嘅蕃茄仔，清新开胃~ 好钟意佢份量十足，可以完美补充纤维。
2️⃣权八酥炸虾丸
炸虾丸有别于一般圆轱辘咁，而系用上面条包住虾肉，脆得嚟又唔油腻，食落有啲似广东炒面(两面黄)。配埋yuzu chilli，甜甜酸酸几开胃，略嫌虾丸质地唔够弹。
3️⃣香葱火鱼炙深海池鱼
经火炙嘅深海池鱼，油脂被迫出，入口满满油脂，并带鲜味同炙烧香，软中带爽。酱汁酸尾尾，可以中和油脂感。而呢个时候饮啖日本清酒，除左可以解油腻，仲可以突出深海池鱼嘅鲜味。
4️⃣日本A5和牛寿司
和牛薄切超大一片，肉质软淋带油脂香，入口带甜充满肉汁。完全系和牛多过饭！好满足！
5️⃣牛舌、澳洲安格斯牛伴蒜片
安格斯牛粒软腍多汁，牛味浓郁，完全无筋！面头有炸蒜片增添香气，食落仲有小小麻嘅感觉~ 牛舌爽弹富油香，略嫌调味偏重。
6️⃣熊本天草大王鸡汤
天草大王系充满运动量嘅大只走地鸡！鸡肉有咬口，不过就有少少鞋。鸡汤清甜带柚子香，鸡味就唔算特别浓，整个走清新清淡嘅路线。
7️⃣日本A5和牛寿喜烧
和牛超大大大片！油花好靓！肉质好嫩！如果浸得耐啲，牛味会更重，不过就无半生熟咁软嫩。寿喜烧汤底浓郁，甘甜但不死咸，锅中嘅金菇、娃娃菜、大葱索满汤汁，唔需要沾上另附嘅芝麻酱 都已经好够味！
8️⃣椰汁南瓜白玉子
椰汁南瓜白玉子
136 浏览
0 赞好
0 留言
南瓜蓉绵密香甜，跟浓郁嘅椰汁基本上系不败组合~ 白玉子口感软糯，杏仁片香脆，红豆蓉香甜软绵，层次丰富。底层好似加左云呢拿雪糕，令整体甜度偏高，亦有少少喧宾夺主。如果无左球雪糕，我应该会再比高分啲。
🍶朝日鹰特撰本酿造 180ml $138
好钟意个日本清酒壶！餐厅好贴心咁会用冰水坐住支酒。清酒入口清爽顺滑，微微辛口，有层次感。整体嚟讲，餐厅无论室内定室外，都好有日本feel~ 室外有大大部风扇，无想像中咁热，更有个钟仔可以嗌店员，坐室外都唔怕无人serve。和牛套餐基本上每道菜式都几高质，买一送一价钱相宜，好适合大家挂住日本嘅时候嚟！
张贴
