鳥元炸雞專門店

营业中

休息中

今日同朋友黎到荃湾，之前已经bookmark左呢间餐厅想试下！咁岩时间尚早，避过晚市最多人既时间，黎到唔洗等位😛入面环境干净阔落，墙身都痴满好多日文既字句，气氛几好😎 谂好食咩之后就直接出去收银处落单，然后会俾部机你，响既时候出番去拎就可以，完全系自助形式。我地叫左个蒲烧鳗鱼饭同溏心蛋墨鱼饼手打乌冬，加$10有沙律配冻柠茶，另外再叫多左个溏心蛋🤓蒲烧鳗鱼饭（$52）都唔错，鳗鱼烧得刚刚好，唔系烧到干身果种，最重要鳗鱼既份量算多，好抵食！溏心蛋墨鱼饼手打乌冬（$48）几好味，墨鱼饼新鲜，入面真系有粒粒墨鱼肉，有咬口，溏心蛋真系做到流心效果😌 仲有好多海带做配菜，而乌冬都烟韧，唔系好淋果种。加左$10有个沙律，咁就可以健康啲🤪 本身想叫热柠茶，但餐厅只有冻柠茶，不过可以帮我完全走冰，柠檬茶唔涩，茶底好。