ねずみの王冠 喫茶店

营业中

休息中

今次嚟到观塘楼上日式隐世咖啡店，净系睇装修就见到充满日式嘅布置，而且仲有好多纪念品买，又系一个可以食嘢同埋shopping嘅机会啦，我当然唔会放过啦。今次就过嚟食吓下午茶餐，净系见到嘢食都知道充满心机，特别系杯嘢饮 。⚜️汁烧八爪鱼丸八爪鱼丸有大份同埋小份选择，我哋就选择咗七粒小份。咬落去真系好弹牙，八爪鱼好有咬口，加埋秘制烧烤酱汁，一啖一粒，大满足。⚜️鸡软骨羽衣饺子配送汤乌冬佢嘅鸡软骨饺子我觉得好特别，饺子皮好薄，鸡软骨馅料好有口感，呢个配搭几新颖。乌冬同汤系分开上好贴心，啱晒我哋呢啲相机先食既人。⚜️宫崎农运南蛮鸡饭炸新鲜嫩口嘅炸鸡炸到脆卜卜，加埋少少沙律酱，拎嚟送饭一流，下午茶餐来讲都算多，可以当lunch咁食了。⚜️四等分玉子烧配薯仔沙律 (明太子口味 )呢度嘅玉子烧有好多口味，我哋拣咗明太子口味，明太子好香呀，又唔会太咸，加埋玉子啱啱好。⚜️富土山特饮 呢杯饮品系绝对需要叫嘅，净系见到个外型已经唔舍得饮，入面嘅冰块系识得发光同埋转颜色。饮品上面有一个雪糕球，望落去真系好似富士山，蓝白色超特别。