德美壽司 (德民街)

营业中

休息中

红磡有好多隐藏嘅美食，同事做左先头部队试过一次之后就系咁话好好食，于是今次lunch就拣左位于巷仔内嘅得美日本餐。因为有两间舖头，我傻更更去钱左，赶头赶命行过去，去到已经有人等位，好彩我地有订枱，去到都气来气喘无心机睇menu，所以就点左佢地推介嘅角切鱼生饭$68。个饭好快就到，原来个餐仲有沙律，炖蛋同面鼓汤。饭上面有一只偏向生嘅半生熟蛋，饭同鱼生嘅比例几乎一比一，鱼生嘅种类仲要好多，三文鱼当然唔少得，仲有尤鱼，烫鱼皮，蟹籽，同我唔识嘅鱼类等等，而个饭一早已经捞好酱油同紫菜，味道岩岩好，不会过咸，成个饭系完全唔使加豉油同芥末，都已经劲好味。沙律嘅菜好新鲜，仲有粟米同蕃茄，加埋落左醋嘅汁，好开胃。炖蛋细细，但食完饭之后先食都仲暖，上面有一小角厚身嘅日式鱼蛋，蛋嘅质地好滑好滑，个底仲有蟹柳。