博多拉麵別天神 (已結業)

铜锣湾行街顺便食晚饭，经过见到呢间好有日式风味餐厅，就入左去试~块面有自动售票机，成个感觉就好似日本食拉面嘅时候咁~入面嘅装修都好有日本风格，客人排排坐食拉面，衣物可以挂起，而且都可以睇住厨师煮嘢食~叫咗别天神套餐，包左一碗豚骨汤拉面同埋一份小龙虾蟹子沙律~小龙虾沙律作为头盘食比较冰凉，较适合炎炎夏日作为醒胃嘅前菜，沙律入边有淡淡龙虾肉粒，都几足料，味道都觉鲜甜，加埋紫菜一齐食别有一番风味~豚骨汤拉面嘅白汤比较浓郁，味道都够鲜甜，拉面嘅材料都算多，有原只糖心蛋同埋一啲黑木耳丝，木耳丝够爽脆，拉面亦够弹牙，整体口感都不错～餐厅亦有教客人如何调制更更浓郁嘅汤底，我食咗一半之后就尝试跟佢嘅方法调制，包括加拉面酱油同埋蒜蓉酱，捞埋拉面一齐食，个人应为蒜蓉味嘅味道较重，落少少其实已经可以增加整体嘅鲜味，汤底的确系更加浓郁，亦都会食到额外蒜蓉嘅味道～另外叫咗虾味噌套餐，小食方面拣左饺子，虾汤拉面汤底够浓郁，食到新鲜虾味，而且加咗樱花虾仔令整体口感提升，拉面配料亦都够多，除咗豚骨之外亦都有糖心蛋同黑木耳丝，豚骨肥瘦都够适中，不会有满口油腻感～饺子整体皮薄馅都足够，比较欣赏佢能够锁住肉汁，唔会剪得太干