緣聚

营业中

休息中

缘聚好耐都冇去老人院探姑姐，趁今日放假，一于入去元朗探吓佢顺便行吓街。路经西裕街见到呢间食放题嘅餐厅，就同老婆入去试吓。升级放题多咗28品，仲有我最钟意食嘅生蚝、海胆同中拖罗，梗系要升级喇。未叫嘢食前先去睇吓有乜嘢饮，呢度雪柜有各式汽水啤酒，最特别系有Hoegaarden嘅西柚味啤酒、日本啤同黑啤，咁就攞支西柚啤饮吓先，老婆就饮绿茶。其实仲有好多特式热饮可以点，我哋又叫咗热玫瑰洛神花茶，好香洛神花味。👍呢度用QR code入单，非常方便。第一round先嚟半打生蚝及几款鱼生。生蚝都几新鲜，刚开咗一阵，食落好有海水味，亦非常creamy，抖抖再叫过。😋第一盘鱼生有三文鱼、吞拿鱼、带子、油甘鱼同深海池鱼。同时叫咗樽清酒嚟食鱼生真系绝配。跟住叫咗几件寿司，重点系有中拖罗同海胆手卷。👌热食有鹅肝多士，件鹅肝煎得外脆内软。清酒煮蚬就份量十足，羊扒腌得好入味。老婆叫咗虾味噌蟹黄软壳蟹粥，非常特别。我就叫咗海蚬手打乌冬，都几好食。😁甜品仲有各式雪糕，实有一款啱你。😜呢度出菜好快，叫完冇耐就有得食，清枱速度亦快，唔会摆到成枱都系嘢，职员服务值得一赞。