御滿屋日本料理

营业中

休息中

今次同屋企人食放题有惊喜，有得食马来西亚烤榴梿同埋新鲜水果榴梿，劲开心！除咗刺身寿司之外，仲有啲好有创意嘅寿司，例如系：榴梿肉加州卷、龙虾三色塔、芝士咖喱肉酱玉子寿司……推介榴梿肉加州卷同埋龙虾三色塔。榴梿肉加州卷系个顶有少少榴梿蓉加上加州卷一啲都冇违和感，亦都唔臭，好食！而龙虾三色塔就有鱼子酱、龙虾肉、同埋有啲类似吞拿鱼蓉嘅鱼生整成嘅三层寿司。头盘有啲泰式fusion嘢：例如有冷盘酸汁辣椒鲍鱼仔、有蒜蓉辣椒卜卜蚬汤，都非常出色，卜卜蚬仲要系粒粒壳都有蚬肉㗎 ！仲有海胆手卷，呢个真系超正。而且order嘅军舰寿司，紫菜上到嚟嘅时候仲系脆卜卜㗎，而唔系霉晒嘅紫菜！雪糕仲系任食😍😍行出去攞嘢饮𠮶边见到个雪糕柜，入边装满好多款唔同种类嘅雪糕，真系眼阔肚窄！烤榴梿真系第一次试，仲要系日式放题呢度试，估唔到又几好食㖞，烤到个皮有少少脆同收左水，但咬开又好甜㖞啲果肉，一啲都唔难食。呢度嘅职员都好有效率，上菜快，食完收碟效率都好快，今晚两个人可能早到，就坐到四人卡位，所以坐得好阔落好舒服。