叄壽司凍肉專門店

营业中

休息中

本身行经呢间舖见佢门口个达摩摆设几得意就行入去睇下，见到佢有新鲜三文鱼骨腩／鱼脂买，我小朋友最钟意食，仲要价钱好优惠。呢间铺卖好多唔同种类食品，店员好好倾，佢话呢度有即制寿司同埋日本料理，咁我就决定试下，今日午餐唔煮啦🤣点左个猪软骨拉面，份量多，而且食落非常入味同够火喉，猪软骨咬落爽口，猪肉够滑，食起嚟唔鞋口；拉面弹牙，唔会煮到太淋，呀囡超钟意食！至于我就拣寿司食，珍宝带子，海胆军舰，香葱吞拿鱼腩蓉，辣味三文鱼，腐皮吞拿鱼沙律。珍宝带子真系好有份量，成只手指咁长又厚身，重点系好有鲜味！海胆同吞拿鱼腩蓉军舰，同样出色，份量好多，食落鲜甜，好食；寿司件件都大大件，好足料，令人满意！