大壽司

营业中

休息中

一入门口就见到长长既楼梯，只需行上一层就可以入座。午餐时间，空位算多，多数分成四人枱同六人枱。枱面放上两份餐牌。一份附有图片，另外一份点餐。午餐餐牌种类丰富，个个套餐都系一个定食，会配送饮品、前菜同面豉汤。饮品我点选热朱古力。前菜有唐扬炸鸡一块同一小碟沙律。面豉汤入面有豆腐同埋紫菜，调味适中。唐扬炸鸡微冷，但不失脆度。套餐我选择：火灸海鲜蟹棒丼。三文鱼先淋上沙律汁之后微微灸烧。鱼皮有少少烧㶶，但口感更嫩。口感嫩滑，入口即溶，唔洗点用力就已经落肚。蟹棒就点都好食架啦。整体来讲，环境唔错，午餐性价比极高。唔使$100嘅价钱，有小菜、有汤、有饮品奉送。