世澄日本料理 (億利工業中心) (已結業)

行街见到间日本嘢门面几好就入去试吓先，餐牌上面有好多款丼饭，都好想试吓，但见套餐系假期先有，就嗌咗份套餐 前菜系油甘鱼沙律，沙律菜上面放了d 脆面条，比较少见，入口卜卜脆，刺身当中有牡蛎都几大只，唔腥，另外有兜辣味蒜头，几爽脆，寿司方面，有拖罗、赤身、带子同三文鱼子，寿司系一啖一口嘅size，同埋旧饭已经调好味，只需加少少芥末就食得，再嚟塩烧三文鱼头鲛，鱼头好多骨胶原，胶质非常丰富，辣味煮大蚬，蚬算系比较大粒嘅，汤底就似面豉汤，皇帝蟹棒蟹肉茶碗蒸，蛋好滑溜，主食系鲣鱼稻庭汤乌冬，乌冬比较幼身，汤底味道清清地但都算够味，最后送上甜品，充满抹茶味嘅蕨饼