禮 (已結業)

一开始试咗个小食前菜、牛蒡酱油渍同古早蟹籽沙律，个前菜味道酸酸甜甜，口感好丰富，蟹籽沙律就好足料、配上青瓜丝都好fresh。最值得推介有三款，包括蟹肉蟹膏甲罗烧，个甲罗烧配上蛋黄酱汁，搽上饼干，啲蟹膏味留系口腔，味道一流。第二个想推介系唐扬小池鱼，炸出黎唔会好多油，香香脆脆，食到停唔到口。最后一个系牛舌心，牛嘅味道都好浓郁，又大块，食起来唔会好干，都几Juicy, 值得推介。另外点左个吉列生蚝、厚烧豆腐（豆腐都几滑）、鸡肉棒配酱油蛋，味道几特别，亦唔会太咸，素咸蛋妈妈素玉棒，较为适合钟意食素嘅朋友仔。整体来讲，啲串烧/烧物真系几好食，经过太子的话会值得encore！