饗和民 (康怡廣場) (已結業)

放假行多几步去远啲食个早餐先！冇得去日本🇯🇵食个日式早餐感受一下旅行嘅感觉！今日系平日，但入面都几多人，有8-9成入坐率！我哋先响门口叫咗早餐先，之后再入去揾位！我叫咗个三文鱼日式早餐，老公就叫咗个玉子寿喜烧日式早餐，之后再加$3叫咗杯热柠茶，食物都等左成15分钟左右先有得食，所以我闷闷地又八卦周围望吓人哋食乜嘢！见到隔离枱个牛角包🥐好似几正咁，于是我又好痴线走出去再叫多份西式早餐！🤦🏻‍♀️🤦🏻‍♀️好夸张，好大食！食物终于有得食啦！饭比较稔身，唔太有口感，玉子烧就几好食，三文鱼虽然比较干，但仍觉得自己去咗日本咁，所以加咗分！之后牛角包🥐早餐都到啦，卖相唔错，不过炒蛋比较干，其他都ok嘅，店舖坐位比较阔，坐得舒服，而且灯光同装饰都好日式，所以感觉唔错😊