火山燒 (已結業)

之前几次去到荃湾都想帮衬火山烧，不过次次见到门口等位嘅人潮就秒速放弃。早排赶及十二点零去到，未到 lunchtime，终于有位。当然要试名物金标和牛肩胛肉 68 度温泉蛋珍珠米丼，估唔到好大碟，珍珠米好饱满，份量好多，上面淋满烧汁，仲有鲣鱼碎，紫菜同饭素，捞埋温泉蛋汁一齐食，唔使食𩠌都已经好够味。牛肩胛骨份量都算多，有牛味，不过略嫌有部份煮得 over 咗，有少少嚡。另外又叫咗个烤焗千层面，呢个嘅酱汁味道非常浓，茄汁味偏酸，芝士味亦强，啱哂重口味人士。千层面睇落几细个，但系食落份量都几多，唯一面质比较粗糙，唔够幼滑，影响口感。加钱换杯彩虹棉花糖特浓朱古力，呢杯反而比较失望，好甜，但系朱古力味就几淡😐。