今助 (已結業)

晨早 9 点几醉醒左系屋企发呆，好采朋友仔得闲食 lunch，闷闷地走去沙田食拉面啦，顺便我都想睇睇有无野买。门外 display 既仿真食品好靓㖞 ﹗原来今助系无拉面架乌，只有乌冬供应，是但啦。山长水远仲要等左 35 分钟先有位，四周半数以上都系大陆人，仲要拣错舖头啰 ﹗肥牛海鲜什锦汤乌冬配日本甜酱油汤底，Not Good！甜得有点过份，汤底得个甜字，盖过所有牛味海鲜味，单调致极。乌冬质感似足油渣面，硬屈屈又干争争，完全唔嫩滑，当当好食过佢。唯一欣慰既系海鲜什菜质数同味道还可以，帆立贝蚬仔虾天妇罗好味，冬菇金菇温泉蛋好食。肥牛免免强强，口感好棉，吸收晒甜酱油味道，好甜但略有点膻味。三色刺生，刺生最稳阵 ﹗𫠒红鱼香甜弹牙有咬口，三文鱼及甜虾都好新鲜，好好味呀 ﹗正 ﹗五目饭，睇相以为系五谷饭添。日本米都系较湿较黏口，感觉好滞。味道有点药材味有点参须既味道，我只食左两口，放弃。