瀛豐放題料理專門店 (已搬遷) 新店位置

想任食生蚝，一般都要去酒店自助餐先有，但原来放题店都有！铜锣湾呢间瀛丰放题专门店主打日式同泰式放题，加钱仲可以任食即开生蚝、海胆带子，任饮1664生啤，真系超抵食！生蚝上台时已经震撼到我，以为任食生蚝一定又瘦又细只，点知只只都肥美饱满，而且带有淡淡嘅海水味。而海胆带子亦都系原只带子，加上香甜嘅海胆，超足料，食多几只真系就已经番哂本！而佢任食刺身选择都有好多，不过我就觉得都系带子最正！呢度除左有日式食物之后，东南亚食物都系一大特色！最有惊喜嘅就系甘叶香蒜炒墨鱼须，墨鱼爽脆，味道带香辣，十分惹味。而佢地嘅串烧沙嗲都好正，有猪、牛、鸡三款选择，平时去泰菜店食半打都几十蚊，呢度竟然可以任食！要嚟送啤酒真系一流。