黑木 (已結業)

今日去咗黑木试佢哋嘅串烧Omakase ，厨师好细心，每一道菜上既时候只碟都系热嘅，保持住食物嘅热度，唔会令变碟影响食物嘅味道。我最钟意食就系牛舌拖罗同埋烧白鳝。牛舌拖罗最后𠮶一块因为皮既部份比较多，所以烧得非常有牛味，食完之后仲有淡淡的余香系个口入面。另外烧白鳝都系十分之值得称赞，因为厨师系将白鳝蒸完再烧，令到佢好松软，有少少似食紧疏乎厘咁样。好特别嘅一道菜就系烧猪肉包莴笋，佢系拼咗长洲买返嚟嘅虾酱，所以食紧日式串烧之余觉得有一点点嘅香港味道。烧菠萝都系十分之好食，厨师好用心咁烧菠萝烧咗差唔多成15分钟，焦糖面令到菠萝食落去好脆，入面有好多汁。真系令人回味啊！总括来讲呢一餐饭有少少似港式又有少少似日式，最后埋单大概$700一个人再加一，有点少贵，但都可以一试。