MOS Burger

营业中

休息中

周末晚到处都人山人海， 要揾嘢食都真系唔系咁容易， 快餐店算系比较容易埋手嘅类型。呢间汉堡包店系日本过嚟嘅， 包括我自己在内相信好多人都有食过， 今次见佢有新款嘅包就一于介绍下。点菜嘅形式都系拣咗一个包， 再配你想要嘅组合， 例如你可以拣薯条 ，薯饼 或者炸鸡。我同饭友分别点左个鱼柳包同埋法式和牛汉堡， 配大嘅厚切薯条同埋北海道薯饼。呢度嘅汉堡包质素算系十分稳定， 虽然系大型连锁快餐店， 但每次光顾， 总会发现汉堡包嘅包皮系外脆内软。 以汉堡包中间嘅肉同埋酱料都算系非常高质， 绝对系m记不能比拟的。呢度嘅鱼柳包系我嘅至爱。无他， 因为鱼柳炸得香脆， 配搭呢度独有嘅沙律酱汁， 调出鱼柳嘅味道。 每一啖都系几juicy又香浓嘅口感！至于法式和牛汉堡， 用咗经典烧烤酱汁， 配以无数生菜丝， 夹著厚切和牛汉堡。 每一啖都充满层次， 最重要系佢块和牛多汁， 咬落一啲都唔柴。厚切薯条都算系呢度嘅经典菜， 外脆内软唔在讲， 味道咸咸哋， 搭配浓沃嘅薯仔味， 真系食上瘾。北海道薯饼外表炸得金黄 松脆， 里面 系薯仔蓉 搭配一啲牛肉粒， 食落滋味。