影片
更多
2007-07-24
16 浏览
师傅成日心思思都想黎左呢度食野好耐架喇, 可惜此终一直都未能一试, 经过上次要一个钟内交之后, 终于的起心肝打个电话去订先! 上个礼拜六终于一试喇, 感觉就.........订左位两个人准时到达, 由知客带位, 到左张前竟然要除鞋先可以坐, 心谂食餐饭, 使唔使除鞋呀? 反正我都热死辣辣, 冲埋凉又得唔得呀? 师傅我就觉得好鬼麻烦喇, 但女友竟然觉得好玩, 真系比佢激死!坐底睇下餐牌有咩好味啦, 哗! 真系花多眼乱, 样样都好似好好味咁, 都唔知食咩好, 于是乎咪问下个伙计有咩推介啦, 个伙计就好有礼貌咁问我之前有冇黎过呀, 我咪话冇啰, 跟住佢就好友善咁介绍左d野食比我地喇!我地就左菠菜温泉玉子沙律, 法式芥末籽牛舌, 烧汁牛肋骨肉, 法式小羊排配意大利香草同埋和风蕃茄半壳带子!菠菜温泉玉子沙律系由菠菜, 椰菜同面包糠加埋d日式沙律酱混埋一齐, 食落口好清好爽口, 而一d菜腥味都冇, 日式沙律酱就酸酸甜甜好惹味; 法式芥末籽牛舌系一片片薄牛舌, 放个炉度烧, 好爽口好入味, 正呀; 烧汁牛肋骨肉又系得㖞, 牛助骨肉好入味, 烧熟后一d都唔韧, 好好味; 法式小羊排配意大利香草就得两件
订左位两个人准时到达, 由知客带位, 到左张前竟然要除鞋先可以坐, 心谂食餐饭, 使唔使除鞋呀? 反正我都热死辣辣, 冲埋凉又得唔得呀? 师傅我就觉得好鬼麻烦喇, 但女友竟然觉得好玩, 真系比佢激死!
坐底睇下餐牌有咩好味啦, 哗! 真系花多眼乱, 样样都好似好好味咁, 都唔知食咩好, 于是乎咪问下个伙计有咩推介啦, 个伙计就好有礼貌咁问我之前有冇黎过呀, 我咪话冇啰, 跟住佢就好友善咁介绍左d野食比我地喇!
我地就左菠菜温泉玉子沙律, 法式芥末籽牛舌, 烧汁牛肋骨肉, 法式小羊排配意大利香草同埋和风蕃茄半壳带子!
菠菜温泉玉子沙律系由菠菜, 椰菜同面包糠加埋d日式沙律酱混埋一齐, 食落口好清好爽口, 而一d菜腥味都冇, 日式沙律酱就酸酸甜甜好惹味; 法式芥末籽牛舌系一片片薄牛舌, 放个炉度烧, 好爽口好入味, 正呀; 烧汁牛肋骨肉又系得㖞, 牛助骨肉好入味, 烧熟后一d都唔韧, 好好味; 法式小羊排配意大利香草就得两件羊, 唔算太肥, 肉身好香好松, 香草腌得好味好正; 和风蕃茄半壳带子就得一只, 成只连壳烧, 师傅我都系第一次咋, 好得意, 蕃茄好甜好清而带子都算大只, 而且仲已经切开四份细细件咁, 用筷子一夹就食得, 好野!
总括黎讲好得, 第一次食日式烧烤感觉好好, 其实仲有好多野想烧黎食, 不过食唔到咁多同埋都比较贵, 下次有机会一定会再黎!
张贴