海魂燒 (已結業)

今日去天后探朋友，去左佢屋企附近呢间叫「海魂烧」嘅日本餐厅食饭。餐厅入面装修比较简单，不过都几有日式小店风味。餐厅以烧物同海鲜做主打，所以我地都叫左烧物、铁板同海鲜丼。盐烧鸡翼，卖相唔错，烧得刚刚好，外皮香脆，内里鸡肉嫩滑，淡淡咸香已经好惹味。盐烧鸡软骨，味道亦都唔错，非常香口。铁板日本和牛，提供铁板烧烤炉，自己落手落脚烧，日本和牛纹理清晰，一片都几厚身，洒左盐同胡椒调味，配菜有番茄、洋葱、生菜、蘑菇片，先用牛油烧热铁板，然后落蔬菜，之后再烧和牛，两面烤一烤，唔驶烧太耐已经食得，入口即溶，肉质鲜嫩多汁，味道非常好。黑松露温泉蛋三文鱼海胆石锅丼，黑松露同海胆系我嘅至爱，两样夹埋超好食。海胆色泽黄橙，非常新鲜；淡淡松露香味配香甜珍珠米，再加上温泉蛋，口感丰富；烧三文鱼淋上酱汁，味道甘香甜美。呢头石锅丼味道唔错，一个饭两个人分都已经好饱肚。青柠柚子梳打，卖相几得意，用猫头鹰玻璃杯装住，大大杯，清爽解渴。