村上居酒屋 (已結業)

星期六在旺角逛街, 行到肚仔饿, 便入了一间叫”村上”的日式食肆去医肚, 间嘢食有好多款式, 鱼生, 寿司,拉面等等叫得出的日本料理呢度都有得食, 而且价钱都好平民化, 很是吸引, 样样都想食, 最后我叫了一个汁烧牛仔骨套餐.十来分钟之后, 我个汁烧牛仔骨套餐来到我面前, 牛仔骨热辣辣仲出紧烟, 飘散住好香的牛仔骨香味, 个套餐包括有日本米饭, 面豉汤, 蔬菜沙律, 仲有甜品, 摆满成个托盘, 非常丰富!个蔬菜沙律很是新鲜, 生菜, 番茄仔及粟米加上日式芝麻酱, 又爽又甜, 很开胃! 牛仔骨有好多旧, 摆满了长方形的日式陶瓷碟, 浓郁的牛香味令人垂涎欲滴, 咬一啖, 哇! D牛肉香满口四溢, 牛仔骨入晒味, 汁烧牛仔骨的汁是甜甜的, 是非常地道的日式照烧汁, 很香浓, 非常好食, 送饭一流。D牛仔骨又唔怕韧, 在口中咀嚼是越嚼越香, 好味道! 我将成个套餐食到干干净净, 真的很好味! 一个餐食了咁多旧牛仔骨才80来文, 好抵食!