Yakinikumafia

营业中

休息中

今日同男朋友庆祝生日，因为佢系食肉兽，所以拣左上环依间烧肉庆祝生日。果日好早12点就到左，系成间铺头第一枱客，我地就拣左住bar枱，贪佢有气氛D同埋影相靓D。我地就叫左个combo set，入面有三款牛，分别系霜降，中等，赤身。食肉之前佢会有D前菜同埋牛骨汤，个牛骨汤好重牛味，好好饮。而主角牛终于上菜，职员都会好细心同你讲系咩牛同埋点食会比较好，值得加分。个人就觉得霜降同赤身比较好食，霜降食到好香既牛脂味，而赤身就有比较重既牛味。但中等就相对真系普通左小小，唔算好林又唔算好重牛脂味。佢另外配左个萝卜蓉蛋黄酱料，都令到个牛加到唔少分。份量方面，男士可能会唔系好够，所以我地就另外再叫左个和牛咖哩饭。和牛咖哩饭，好香咖哩味，会令人食唔停，但系唔系和牛就食唔出，可能因为咖哩味太浓，盖过左和牛味。餐厅入面系一个类似boarding gate既布置，临走前佢地安排左我地系登机牌前面影相，仲转左我男朋友生日既字句，几特别既服务。而且佢地每次上菜都会用好激动既tone去叫，令成间餐厅既气氛都好好。