影片
更多
2023-03-12
44 浏览
炭火地鸡 Yakitori25📍铜锣湾登龙街28号永光中心25楼朋友嘅朋友介绍我哋嚟呢一间好高水准嘅串烧店食晚饭，知道佢哋5点半先开门，为咗避开晚餐人潮，我哋6点左右就上去食，果然只有一台客食紧，去到走时大概8点几，全场满座，人气十足！店舖整晚都播放住日本歌曲，人流多嘅时候好有喺日本食串烧店嘅气氛，同样都有好多上班族放工后过嚟松一松！话明叫炭火地鸡，当然有大量鸡肉串烧同料理供选择啦，由鸡心到鸡尾，有超过15种鸡串烧任君选择。今餐我哋总共叫咗36款饮品同嘢食，当中严选咗必点必试嘅9款推介俾大家，希望你哋嚟到唔知食咩好嘅时候可以参考参考！ 💰$78辛辣鸡胸芫茜沙律 🐓🌿🥗首先要介绍嘅系呢款辛辣鸡胸芫茜沙律，除咗一眼睇到嘅一大堆芫茜外，其实佢仲有芽菜、白萝卜丝、蕃红花同大量花生碎。将上述嘅食材同微辣嘅鸡胸肉丝捞匀，鸡肉嘅调味有少少似川菜嘅香辣，连同芫茜嘅清新，好醒胃，特别推介俾各位芫茜控！价钱 Price] 💰$58香脆鸡皮配香葱酸汁 🐓🍋爱食鸡皮嘅我哋一定唔会错过呢款鸡皮小食！我哋之前有食过其他日本菜嘅酸鸡皮前菜，大部份都系将鸡皮处理好之后切丝，口感系爽弹为主。但呢度嘅鸡皮唔单止大大块，仲
📍铜锣湾登龙街28号永光中心25楼
朋友嘅朋友介绍我哋嚟呢一间好高水准嘅串烧店食晚饭，知道佢哋5点半先开门，为咗避开晚餐人潮，我哋6点左右就上去食，果然只有一台客食紧，去到走时大概8点几，全场满座，人气十足！店舖整晚都播放住日本歌曲，人流多嘅时候好有喺日本食串烧店嘅气氛，同样都有好多上班族放工后过嚟松一松！
话明叫炭火地鸡，当然有大量鸡肉串烧同料理供选择啦，由鸡心到鸡尾，有超过15种鸡串烧任君选择。今餐我哋总共叫咗36款饮品同嘢食，当中严选咗必点必试嘅9款推介俾大家，希望你哋嚟到唔知食咩好嘅时候可以参考参考！
[价钱 Price]
💰$78
辛辣鸡胸芫茜沙律 🐓🌿🥗
首先要介绍嘅系呢款辛辣鸡胸芫茜沙律，除咗一眼睇到嘅一大堆芫茜外，其实佢仲有芽菜、白萝卜丝、蕃红花同大量花生碎。将上述嘅食材同微辣嘅鸡胸肉丝捞匀，鸡肉嘅调味有少少似川菜嘅香辣，连同芫茜嘅清新，好醒胃，特别推介俾各位芫茜控！
价钱 Price]
💰$58
香脆鸡皮配香葱酸汁 🐓🍋
爱食鸡皮嘅我哋一定唔会错过呢款鸡皮小食！我哋之前有食过其他日本菜嘅酸鸡皮前菜，大部份都系将鸡皮处理好之后切丝，口感系爽弹为主。但呢度嘅鸡皮唔单止大大块，仲系脆口嘅，真系好新奇！佢嘅洋葱索晒酸汁，同鸡皮一齐食可以减低油腻度，一碗都有好多块，好抵食！
[价钱 Price]
💰$32
浓香鸡汤 🐓🥣
号称「汤怪」嘅我见到有得叫一碗净鸡汤，对眼当堂发晒光，最后加点咗一碗，到底佢系有几好饮呢？呢碗汤又香又浓，饮得到系用嘅精华熬煮而成，但佢嘅汤唔油仲好清，加埋些少芫茜一齐饮，非常暖胃！提提大家，可以嘅就趁热饮，咁先饮到最正嘅味道！
[价钱 Price]
💰$88
烟薰鸡火腿他他 🐓
朋友最钟意叫啲特色嘢，所以佢点都要叫佢鸡火腿他他嚟食。可能好耐之前食过牛肉他他后有啲阴影，觉得他他都系食紧搅碎生肉，所以唔太敢食。但佢诚意拳拳咁包埋俾我，所以我都好俾面硬住头皮食咗一嚿。哗，同牛肉他他完全两回事！鸡肉无筋已经不在话下，有wasabi同蛋黄加持下，成个味道升华晒，用紫菜包住，完全唔觉得食紧生肉，证明啲鸡肉好新鲜！
[价钱 Price]
💰$48
鸡肝酱多士 🐓🍞
鹅肝就听得多、食得多，鸡肝酱你又试过未？我哋就系第一次食鸡肝酱，本来我系比较抗拒食内脏嘅，尤其系肝，因为觉得偏腥同苦。但呢款鸡肝酱唔单止唔腥唔苦，食落仲有阵阵鲜甜味，咁creamy嘅口感系我哋从未食过嘅！多士烤得恰到好处，唔会过脆，正呀！
[价钱 Price]
💰$42
提灯 (每只鸡只有一串) 🐓🪔
提灯系由母鸡输卵管、卵巢同未成熟未有壳嘅蛋黄组成，唔系只只鸡都有，加上好考师傅刀同烧嘅功力，所以格外珍贵，如当日有供应，记得点返串嚟试下啦！
[价钱 Price]
💰$38
免治鸡肉棒 🐓
数到近乎无一台坐低嘅食客都必点嘅，一定非呢串免治鸡肉棒莫属！佢嘅免治鸡肉食落有少少软骨，肉汁锁晒喺烧得香脆嘅表面内，咬落啖啖鸡肉香味，点埋蛋黄食，一大享受！我哋一人叫咗一串，价钱非常经济，绝对系必食嘅单点之一！
[价钱 Price]
💰$38
最中饼 🍵🫘🥮
呢个最中饼好有惊喜，除咗系因为佢哋用咗抹茶雪糕同有大大粒红豆外，最特别嘅地方就系佢个饼皮食落好似甜筒个筒咁，而且口感一样咁脆，就好似食紧一个改良版嘅甜筒一样，好特别！佢嘅红豆有天然甜味，份量亦俾得好阔绰，相信可以俘虏唔少爱食甜品嘅人嘅心！
[价钱 Price]
💰$88
焦糖蕃薯配雪糕 🍠🍦
另一款招牌甜品系呢份焦糖蕃薯配雪糕，半条大蕃薯嘅表面铺满糖去烧，结成一层焦糖面，同口感粉粉哋嘅蕃薯形成对比，再配埋云呢拿雪糕一啖食，一次过有三重感受！我哋点嘅呢份系大份嘅，细食嘅嘅朋友可以拣$48嘅半份试下；而如果多人分食嘅就可以拣大份嘅一齐开心share！
张贴
