咕嚕丸子屋 (已結業)

晏昼同同事唔想食太full，见依间新开嘅章鱼小丸子店有唔同口味嘅章鱼小丸子，仲有嘢饮，一次过买晒两样，所以就试吓啦。朋友就净系拣咗一只味道六粒嘅海苔丸子。由于我有选择困难症，全部味道都好想试吓，啱啱佢有个选择系招牌开心全家福，有海苔、柴鱼片、同中华沙律蟹籽，味道唔会好咸、沙律酱嘅份量合适、每一粒章鱼小丸子都咬到章鱼同埋生菜，比例唔错，算系几有诚意。我自己最钟意嘅口味喺中华沙律蟹籽，口感丰富，两款toppings都爽口。全部丸子都系即叫即整，好新鲜热辣辣整完即刻食饮品有最近好hit嘅香水柠檬茶，今次嗌咗荷花乌龙香水柠檬茶同茉莉花香水柠檬茶，香水柠檬味浓，唔会过甜。荷花乌龙我第一次饮，几特别，入口后有淡花茶味。