Via Tokyo (已結業)

有时行街行到攰攰地最啱揾个地方坐低食下嘢，就今次行过见到呢问人气甜品店，主打系日本京都宇治抹茶，提供一系列用宇治抹茶制作出来精美甜品同饮料，而且款式同配搭都有咁多真系估唔到，最啱点番几款人气推介甜品一同品尝，先有系3色雪糕窝夫$70，一次可以食到三款特色口味，主角宇治抹茶入口滑溜之余又带点抹茶嘅清香味浓厚，其余有北海道牛乳奶味香浓同焙茶味，食落一样咁香滑正，再配埋红豆蓉嘅香软同时又食到香脆窝夫，轮到另一款系乌龙茶芭菲$81，卖相特别精致用料十足，会食到每层不同特色口味，乌龙茶味浓郁甘香，口感一流真系越食越滋味，再来有糯米糍红豆抹茶牛奶雪糕，糯米糍入口软绵绵，再配啖抹茶max埋牛奶，食落特别香甜，当然唔至食到美味雪糕咁单调，轮到有自家制蛋糕系列，宇治抹茶芝士蛋糕，未食已索到阵抹茶独有香味，切开已见蛋糕好软滑，入口啖啖超浓厚抹茶加芝士简直完美组合啱晒口味，好友话要食埋呢款招牌原味抹茶雪糕咁先至食得够开心。