影片
更多
2019-02-24
90 浏览
本来想去食素食放题，但因为无book 位full 左，而去揾其他餐厅。根据OpenRice 嘅建议，拣左哩间。两个人点左一碟前菜，两碟主菜。去到未到19:00，所以未有人。我哋离开时，即19:30左右，啲订位就开始黎喇！餐厅以木式为主，简单舒服。店员形容为半自助式，因为水（有冻有热）同餐具要自己拎。第一碟系自制冷奴配香脆莲根$58四小粒白色砖仔，整整齐齐咁上。红色嘅汁，食落有茄汁味。「自制冷奴」应该就系豆腐嘅意思。平时食豆腐沙律，都系好易夹碎嘅百福豆腐。但哩度嘅冷奴系比较有弹性，（仲夹得起架！）豆味唔算好香，但食到入面有啲好似豆渣嘅小粒。再黎嘅系「自家制日式咖哩饭」$98睇得岀系有刻意布置过。饭中间粉红色嘅系两片酸萝卜。咖哩汁，唔辣。蔬菜包括：煮过嘅茄子，细细条嘅秋葵同「豆干」（唔知叫咩名，系好实净嘅豆品，仲有明显嘅豆粒喺面）味道清淡。最后一碟主菜系「本菇酱油唐辛子意大利面」$98本来以为有「唐辛子」会辣辣地，但都系偏清淡嘅。（唔系无味𠮶只，但唔系好重手𠮶只。）哩碟嘅质素真系睇个人口味。话说朋友食第一啖觉得有啲硬；我都试一条，又真系好似有白点，似未过心。我拎去柜台问下，厨房姐姐话刻意无
去到未到19:00，所以未有人。我哋离开时，即19:30左右，啲订位就开始黎喇！
餐厅以木式为主，简单舒服。
店员形容为半自助式，因为水（有冻有热）同餐具要自己拎。
第一碟系自制冷奴配香脆莲根$58
四小粒白色砖仔，整整齐齐咁上。红色嘅汁，食落有茄汁味。
「自制冷奴」应该就系豆腐嘅意思。平时食豆腐沙律，都系好易夹碎嘅百福豆腐。但哩度嘅冷奴系比较有弹性，（仲夹得起架！）豆味唔算好香，但食到入面有啲好似豆渣嘅小粒。
再黎嘅系「自家制日式咖哩饭」$98
睇得岀系有刻意布置过。饭中间粉红色嘅系两片酸萝卜。咖哩汁，唔辣。蔬菜包括：煮过嘅茄子，细细条嘅秋葵同「豆干」（唔知叫咩名，系好实净嘅豆品，仲有明显嘅豆粒喺面）味道清淡。
最后一碟主菜系「本菇酱油唐辛子意大利面」$98
本来以为有「唐辛子」会辣辣地，但都系偏清淡嘅。（唔系无味𠮶只，但唔系好重手𠮶只。）
哩碟嘅质素真系睇个人口味。话说朋友食第一啖觉得有啲硬；我都试一条，又真系好似有白点，似未过心。我拎去柜台问下，厨房姐姐话刻意无煮好耐。佢话想食「林」啲可以再翻煮。朋友话唔使，咁我哋就照食。食下食下，又真系有啲「痴」牙😂 如果你都想试下意粉，可以预先沟通好期望嘅软硬度。
价钱ok! 份量偏细。
总结：可以一试嘅日式素食，食物精致，但唔系最好味嘅。（素食西餐都系觉得ovo 比较好😂）
张贴
