大宮 (已結業)

今日放工约左朋友去food court食饭，点知两个都要ot，所以就改做外卖拎番我屋企慢慢share黎食!大宫牛肉定食、吉列猪扒定食定食包面豉汤同沙律，唔好睇少佢，份量劲多，绝不欺场! 大宫牛肉个调味好浓，捞饭食岩哂!牛肉唔会好肥，食落入哂味好正!吉列猪扒炸得外脆内软，食落sharp sharp声，咬落去肉汁四溢，好鬼满足!仲有个酱汁可以点，味道同日式炸猪扒饭既专门店有得比!食埋沙律解一解腻真系配撘得宜!滑蛋吉列猪扒饭因为吉列猪扒个样太吸引，所以叫埋呢个滑蛋吉列猪扒饭，估唔到份量咁多，饭既份量我谂有平时2,3碗饭咁多，真系超值!呢个比吉列猪扒定食唔同之处系猪扒系摆系饭面，而且捞埋滑蛋所以口感冇定食果个咁脆，但滑蛋增添左饭既口感，加埋洋葱甜甜地，虽然份量多但都好快食哂!日式炸鸡、日式炸饺子叫左两个小食，分别系日式炸鸡同日式炸饺子。炸鸡系唐扬炸鸡，大大粒配埋沙律酱系隔离，啖啖肉好滋味! 日式炸饺子同样有酱汁跟埋，虽然每只都细细饭但胜在肉馅丰富，食落都好有饱足感!另外值得一赞系收银姐姐既态度，平时FOOD COURT D姐姐都比较黑面，但呢度既收银姐姐又有礼貌又细心，惊我拎得重仲专登分开两袋