火柴盒

营业中

休息中

今日去大尾笃郊游，顺便吸下新鲜空气，同埋揾下美食，因为都知道大尾笃都多特色嘢食嘅餐厅 。咁食lunch我哋去咗火柴盒，叫咗招牌拉面 樱花担担软壳蟹拉面，汤底入面嘅豆瓣酱个味好好味 同埋有少少辣，加埋佢哋秘制嘅酱油及咖哩粉，真系汤底一流，加埋樱花虾原只软壳蟹，个卖相十分吸引。另外嗌咗“拉面由你创”系列，汤底拣咗鸡白汤，配料当然系佢哋出名嘅厚叉烧，追加糖心蛋，试下好冇味要试个汤底先，因为鸡味嘅汤底比较少喺日本拉面度见到，而出嚟个效果亦都好fresh，个鸡自汤去淆咗好耐，煲出好浓鸡汤味 ，特别要提系个厚叉烧，个厚度真系比出面食嘅厚成倍，而且烧得啱啱好又有啲蜜糖响上面，又系食到唔停得口，糖心蛋又系一啖放入口食，超正！跟住食几口拉面感觉一流。最后小食点左厚切烧牛脷，唧啲柠檬汁上去食又系冇得顶，个吉列广岛蚝系即叫即炸入面热辣辣，点埋个沙律酱食我觉得系最match。而饮嘢方面就叫咗菠萝乳酸特饮同埋青苹果乌龙茶，坐喺度叹住海风望出去对面个海滩叹两杯冻饮，个人即刻relax晒。有机会踩单车入大尾笃或者嚟郊游嘅朋友下次一定要好似我咁去火柴盒啦!