Panash Bakery & Cafe (已結業)

日式西多士配雪糕 $52星期日，好得闲同朋友去咗Mikiki，食下饭，放下狗狗，hea下。原本想帮衬加州比萨，因为带狗狗所以只可以坐出面，而个一千零一张outdoor嘅台就比较需要多啲时间去清理，所以最终去咗Panash Bakery & cafe。听朋友讲，Panash原本系一间面包店，到依家开始扩展至Cafe，抱住一试心态试试。讲真，menu就麻麻吸引，但佢地都有啲cake set提供，我就无咩兴趣，最终单点一个日式西多士（依个系单点，所以无得加钱有杯野饮）。日式西多士，咪即系港式西多士但入面无花生酱。？个表面就唔太脆，就好似食紧一个面包配上嘅糖浆，个抹茶雪糕就。。。成个餐甜到我连个堆红豆蓉都唔想掂。咁就$52啦，带得狗狗又想坐得舒服，总系要有啲牺牲嘅～不过店员服务几好，依个唔错。