Hungry Monkey (海之戀商場) (已結業)

刚刚搬嚟荃湾海之恋住，听说有间日本餐厅叫Hungry Monkey 好有格调而且食物唔错。门口看好似间酒吧但入内有另一种格调。 食物种类都有好多种选择。头盘有蕃茄沙律配埋芫茜一齐吃大大特出咗蕃茄嘅新鲜味道。辣酒东风螺，啲螺唔会好辣而且口感好爽口。唐扬金虾， 虾好新鲜连啲壳都可以吃非常脆口。黑松露香草牛油焗杂菌， 本身杂菌系冇乜味道但加埋牛油蒜蓉最紧要系黑松露，吃落唔会觉得好油腻。南非鲍鱼啲肉质好淋，吃落好有鲍鱼嘅鲜味。羊架啲肉烧得内嫩外脆， 最紧要唔会有好重嘅骚味。香葱牛肉薄烧， 啲牛肉卷埋啲葱一齐吃口感上好特别， 如果喜欢吃葱一定喜欢这个。松叶蟹肉海胆炒饭，啲蟹肉好新鲜，而且海胆可以形容一嚿嚿海胆， 所以几乎每一啖饭都有海胆味道。一夜干鱿鱼，啲鱿鱼烧得 刚刚好唔会太干身，而且肉质好嫩。最后广岛烧， 材料包含腊肠，芫茜 ，虾米，肉松，叉烧就系材料方面已经觉得好丰富， 可能有芫茜感觉上唔会好肥腻。最后饮埋自家天使之气纷白桃浊酒， 味道非常唔错。