炭家 (已結業)

朋友聚会建议食串烧，拣左呢间位于歌赋街“炭家”串烧店。由地铁站行上黎，都唔太远，不过如果天气热就有啲辛苦。店舖近街头位置，离远已经见到招牌灯牌，好抢眼。不论店内或店外，格局都好有日本风格。虽然店舖唔大，但坐得舒服，一啲都唔迫，好岩三五知己饮下酒，倾下计。叫得做“炭家”，当然用以炭烧闻名，所以我地都叫左几款串烧同鳗鱼试下。咁岩我地坐既位置，隔离就有块玻璃，望到师傅喺入面不停用扇拨，作为顾客，就最钟意望住师傅整野食，特别有风味。食物质素当然唔需要怀疑，每款串烧既有炭香味，又唔会过火。特别系鸡肉同猪肉串，外皮香脆，肉质嫩滑，又有肉汁。当然唔少得鳗鱼，我地试左两款，一款系白烧，一款系蒲烧。白烧系冇加任何酱汁，纯用炭烧，能够以呢个方法煮，鳗鱼一定要够新鲜，所以一啲腥味都冇，仲好清甜。蒲烧就适合浓口味既朋友，炭烧完，再搽一层薄薄既蒲烧汁。唔会太漏，个底又够脆。如果要食白饭既朋友，可以选择鳗鱼丼饭。特别一赞，老板非常细心，连洗手间都有日式风格，摆放左一小盒即弃漱口水，即弃牙刷俾有需要客人使用。