麵道 (已結業)

行过荃湾买嘢，见到呢一间「面道」，装修系真系有日式拉面店的风格，一于入去试吓。12点几入去食个午餐，睇餐牌见到有一个特价面，新出嘅，叫鸡盐汤拉面， $54送饺子同嘢饮。不过唔系好钟意食姜味，最后拣咗个贵啲嘅鸡白汤拉面。叫咗个鸡叉烧拉面，以为有鸡同埋叉烧，原来鸡叉烧个意思系剩系得鸡，系类似一个烧鸡嘅物体。拣面都好有日式风格，可以拣面嘅软硬度，汤嘅浓度，仲可以拣少油走青添。汤底算浓郁，但唔会过咸。分量普普通通啦，鸡烤完出嚟都有浸烤香味同埋鸡肉仍算嫩滑饺子应该系即叫即整，够热度，够脆口。但里面个馅好普通，似超级市场𠮶啲雪藏货。送嘅就冇所谓啦最后$74买单，唔需要加一。