不二工房 (已結業)

今日行过呢一边就同朋友试咗呢一间位于喺上环嘅日式小店，我哋叫咗几种唔同嘅小食再加一个饭同埋拉面，整体嚟讲我哋都个几好食，而且价钱非常抵食，CP值非常高，值得推介！食日本嘢，点少得支豆，每一粒都非常爽脆，系我同朋友钟意食嘅口味！炸芋头丸，都非常好食，热辣辣，睇得出餐厅系即叫即做！食落去就有非常香浓嘅芋头味，我同朋友本身都非常钟意食芋头，所以呢一个小食我哋都非常钟意！大虾沙律亦都非常开胃，餐厅用咗特别配制嘅酱汁，成件事更加好食！主食拉面丼饭，豚肉拉面来到已经闻到浓厚香气，拉面嘅抵汤系白色汤头，每口汤都感受到浓醇风味，味道浓而不腻，猪肉肉质嫩滑，仲有只糖心蛋，蛋白刚固态，蛋黄为半熟糊状，令口感清爽滑嫩，加上浓稠的蛋黄香气，非常入味，面质弹牙，配合埋香葱、粟米粒、木耳丝、小蕃茄，感觉好似系日本食。而亲子丼系滑蛋鸡肉饭，卖相都唔错，蛋黄松软霖滑，鸡肉嫩滑可口，又系有嫩滑口感嘅食物，连埋香葱、香菇、洋葱、紫菜丝、白饭食落口香浓顺滑，鲜嫩多汁，好食好值得再食。这间不二工房餐厅好值得推荐俾大家，好食抵食，价钱又唔贵，食物质量好，又有食物优惠，仲冇加一，店员服务态度又好，真系令人食得开心，我哋都下次再嚟