千里屋食堂 (已結業)

去铜锣湾揾朋友食饭，放工时间唔知食乜，行过见到个餐牌好吸引，价钱都唔贵，就决定试下。一入到去就见到有日本客人食紧，相信呢间餐厅应该几地道。千里屋食堂系一间食和牛既餐厅，佢呢度亦都有高级既飞驒牛食。咁我地决定乜都试下，铁板，丼同寿喜烧都各叫左一款。熟成黑牛Champion Steak Don岩晒d中意食牛既大胃王，上面铺有满满既澳洲和牛，冇乜其他配菜，基本上系一半牛一半饭。牛肉大约七成熟，咬落软腍腍，一d都唔韧。配上蒜蓉味酱汁，食到停唔到口。饭就用上日本珍珠米，好香。和牛铁板三种，故名思义就系有三种和牛用铁板烧，上枱既时候牛已经系烧得岩岩好，铁板纯粹系保持著个温度。三种系唔同部位既牛肉，我自己最中意脂肪最多既个个部位，牛肉入口即溶，亦非常香，食完个咀令立立，充满牛既油脂，呢个价钱食到三种咁正既和牛真系性价比超高。而朋友既高级铁板烧就真系要自己烧既，牛肉亦都好好食。寿喜烧酱汁好甜，牛肉煮完味道入晒落去，送饭一流。