一鳴拉麵

营业中

休息中

太挂住日本啦，每次见到拉面店都忍唔住，呢间拉面店唔喺大街，本来应该见佢唔到，但因为门口嘅人群太吸晴，心谂咁多人有咩好食呢？行近一睇……拉面!!! 好彩见到人群，如果唔系就差d错过日本的味道。由门面到装修，根本就系地道日本风，暗暗地嘅灯光，突然谂起深夜食堂🇯🇵呢度唔卖花巧，简简单单，就只得四款汤底拉面。基本汤底都系猪骨浓汤，再加入不同自家制酱料就变左几种不同层次嘅味道。自己手剔落单，面嘅粗幼、软硬度、配料、辣度都有得拣。点左一鸣拉面，一场嚟到，当然要食主打嘅原味猪骨浓汤啦，果然汤如其名，个汤底好厚身，非常浓郁，入口都好滑。另外仲点左赤辛，系猪骨浓汤再加秘制地狱酱嘅汤底，拣左较粗身嘅太面，两只辣椒嘅辣度。哗!成碗汤红卜卜，仲有堆类似辣粉，未食以为会辣到食唔到，但食落原来几好味㖞，好香嘅辛辣味，但食落口又唔会觉得劲辣(利申:本身只系可以接受小辣程度)午市套餐加$20，仲可以有饮品及小食，饺子同鸡都系炸嘅，炸得劲金黄，够干身，非常脆口。😃又一次回味日本味道成功。