影片
更多
2023-08-11
133 浏览
佐敦渡船街一直都系美食集中地，朋友话未去过，今晚一于带佢试下川烧，这间系主打日式+川风味嘅串烧店，提供室内同室外坐位，室内仲有一间VIP房仔，适合想有私隐嘅朋友😁打开点餐纸有好多选择，我拣咗好多唔同嘅烧物😋厨师技术专业，所有食物都烧到啱啱好，唔会太㶶烧到干哂，而且上菜快，服务唔错👍青柠荔枝梳打 | $32青柠话梅梳打 | $32其实食串烧最啱配啤酒或日式清酒，但我同朋友都唔饮酒，所以拣咗特色梳打，酸酸甜甜超开胃又解腻，唔饮酒嘅朋友极推烧珍宝大元贝 | $50只元贝大大只，肉质鲜嫩多汁烧特级厚切牛脷 | $58厚切爽弹，一啲都唔韧，肉味香浓烧鸡肾 | $36烧鸡肾好惹味，抵食又好味，绝对推荐烧鹌鹑蛋 | $22鹌鹑蛋嘅蛋白皮烧到韧韧地，一咬落去啲蛋黄就爆出嚟，好似流心奶黄咁，好好味烧一口脆腐乳 | $24睇个名以为系烧腐乳咁重口味，一问之下原来系豆腐卜涂上腐乳酱一齐烧，食落又唔会好咸，好特别日本青椒仔 | $28有点微辣，食落好惹味黑松露烧腐皮温泉玉子 | $36用腐皮包著温泉蛋，面头再放点黑松露，一啖食落去，流心蛋加埋松脆嘅腐皮同香浓嘅黑松露香气，口感一流烧特浓芝士五花腩 | $48五
佐敦渡船街一直都系美食集中地，朋友话未去过，今晚一于带佢试下川烧，这间系主打日式+川风味嘅串烧店，提供室内同室外坐位，室内仲有一间VIP房仔，适合想有私隐嘅朋友😁打开点餐纸有好多选择，我拣咗好多唔同嘅烧物😋厨师技术专业，所有食物都烧到啱啱好，唔会太㶶烧到干哂，而且上菜快，服务唔错👍
青柠荔枝梳打 | $32青柠话梅梳打 | $32
其实食串烧最啱配啤酒或日式清酒，但我同朋友都唔饮酒，所以拣咗特色梳打，酸酸甜甜超开胃又解腻，唔饮酒嘅朋友极推
烧珍宝大元贝 | $50只元贝大大只，肉质鲜嫩多汁
烧特级厚切牛脷 | $58
厚切爽弹，一啲都唔韧，肉味香浓
烧鸡肾 | $36
烧鸡肾好惹味，抵食又好味，绝对推荐
烧鹌鹑蛋 | $22
鹌鹑蛋嘅蛋白皮烧到韧韧地，一咬落去啲蛋黄就爆出嚟，好似流心奶黄咁，好好味
烧一口脆腐乳 | $24
睇个名以为系烧腐乳咁重口味，一问之下原来系豆腐卜涂上腐乳酱一齐烧，食落又唔会好咸，好特别
日本青椒仔 | $28
有点微辣，食落好惹味
黑松露烧腐皮温泉玉子 | $36
用腐皮包著温泉蛋，面头再放点黑松露，一啖食落去，流心蛋加埋松脆嘅腐皮同香浓嘅黑松露香气，口感一流
烧特浓芝士五花腩 | $48五花腩肥瘦适中，连同烧到拉丝嘅芝士，超邪恶但好味，必须要encore多一次😋
烧日本鸡皮串 | $28
鸡皮烧到好香口而且唔干，食得出师傅嘅手势
黑松露芝士牛油焗杂菇 | $48
杂菇配上黑松露同芝士牛油一齐焗，香气同口感浓郁，好适合钟意食菇嘅人
烧原条甜粟米 | $38
够大旧、多汁同好甜
芝士烧大虎虾 | $78大虎虾鲜甜大只啖啖肉，加埋芝士一齐烧，钟意食烧海鲜嘅朋友必食
川香凉伴秋葵 | $42
我个人好钟意食秋葵，个汁好入味，微麻辣，好开胃
汁烧谷饲一口牛 | $48
浓郁牛味，嫩滑多汁，熟度刚好
烧芝麻汤圆 | $28
作为饭后甜品真系唔错，外皮香脆，入面烟韧软滑，芝麻又浓郁，好特别
菠萝雪葩
$78
5 浏览
0 赞好
0 留言
原个菠萝里面装著满满的，入口即化的雪葩，酸酸甜甜好清新，食完烧物再食这个系完美嘅结尾👍
张贴
