Favilla Cafe (已結業)

「 和式全日早餐—蒲烧鳗鱼味噌炒蛋吐司」 ($128)评分：7/10.味道上唔伏，但系份量同材料有待改善嘅全日早餐😯 可以话系所有嘢嘅功架都唔够先赞后弹啦，将炒蛋同块鳗鱼叠上块多士上面食的确系几过瘾同好味嘅。多士有淡淡牛油香味，同鳗鱼同蛋一齐食饱腹感一流!虽然望落好似几靓同丰富但细心睇就会发现设计早餐嘅心思真系唔够。虽然话系和式，但除咗条鳗鱼同日本料理有关之外，其余一切嘅配料都冇任何和风嘅影子。香肠更加连一条完整嘅都懒得俾，只系系咁二切咗两片出嚟😥 俾咁贵食份早餐其实需唔需要咁孤寒呢? 😑 薯仔沙律一样都只有一小堆，剩余嘅位置就将一大束沙律菜填满佢就草草了事😐显现系想悭成本嘅做法? 但既然店家都明显地系行紧精品早餐路线点解唔落手重啲真系加入多啲唔同嘅早餐配料元素?炒蛋虽然嫩滑，但系散修修嘅，可见炒蛋嘅技巧一样有待改善。顺道一提，块多士自己本身都有问题，完全唔脆，啱啱整好拎上枱已经淋晒，呢啲细节位全部都被扣晒分