神經餵飼 (已結業)

同友人外出食饭，见到呢间cafe 感觉唔错，就入去一试。由于唔太肚饿嘅关系就只系叫左一个lunch set share，再叫左个甜品。叫左lunch set 咖哩汉堡扒蛋包饭，一黎到就见到份量好足，汁同饭都好多，唔会唔够汁伴饭食。虽然系日式咖哩，但唔会好甜，反而香料的味比较出，带少少辛辣感，同友人都几欣赏呢个咖哩。不过个咖哩只系得汁，如果可以加返少少配菜，例如红萝卜、薯仔粒咁会冇咁寡。汉堡扒方面有两块，味道都算唔错。整体来讲性价比算高。同友人各自叫左一杯咖啡，我叫左 cappuccino，友人叫左dirty，但我地都觉得杯咖啡麻麻地😅咖啡味道偏酸，如果钟意fruity 感较重嘅人可能比较适合。另外再叫左个士多啤梨忌廉蛋糕，以忌廉蛋糕黎讲，就好少忌廉😂😂，除左粒士多啤梨之外，个蛋糕都冇乜香味。印象中好似55蚊，呢个价钱食佢就真系唔算抵食，可能其他蛋糕款会更好。