Pancake 專門紗織 (已結業)

餐厅装修设计走日式木系和风路线，仲有好多猫猫嘅装饰品，充满日式风情。食物主打多款唔同嘅pancake，咸食方面仲有丼饭添，分量唔会太多啱晒女仔～焦糖炖蛋班戟配72%黑朱古力酱 $148卖相几靓，一片松软嘅厚班戟上面配上厚厚的焦糖炖蛋，蛋香十足，再淋上72%黑朱古力酱，味道更为丰富，朱古力味好浓郁～黑豚肉饼丼饭套餐$148丼饭系列有包括：汤、沙律、丼饭及茶，当日提供嘅茶系麦茶，茶具好专业，茶杯小巧精致，麦茶味道好浓，饮完即刻醒神晒！黑豚肉饼丼有三大片肉饼，软硬适中，下面仲有滑蛋，捞埋啲饭一齐食都几惹味。沙律配上日式酱汁🥗好开胃，日式粟米汤清清地都几好饮。