三木日本料理 (已結業)

上回讲到我史提芬周最憎食放题走单，今铺食三木，真系打个突，任食新鲜马冀海胆都算，见到带子刺身，大过品客曾俊华，对面𠮶位阿生，额有朝天骨，眼里有灵光，仙人转世，神仙下凡咁款，大叫，我终于等到你了,不要走！！！！食放题食到咁，我都明嘅，香港地，有任食海胆，咁鲜咁甜，唔腥㖞，真系无几间做到。 带子又大又厚肉，仲唔系开边切，okok, 我无嘢弹，法官大人。虽然我影左咁多相，泄露天机，灾怯难免，但是我命中注定，就算我要冒天大的危险，我也要给你看个全相，因为呢d 食物太吸引， 点搞呀。 三文鱼，少食，滑溜，鲜甜，n年无喺放题食过咁正嘅鱼生。对面位阿生，同我一样，有米到肚事大，整碗鳗鱼饭，掂当，鱼滑，烧汁捞饭都正到哭出嚟。食完先醒起未映，sor记。再讲下其他嘢，牛舌，都系比唔上牛角，差d d , 真系可惜。甜品卖相似乎唔错，入口味道，甜得嚟唔会太甜，糖尿，使乜惊！ 督穿cream brulee 个焦糖面，卜卜声，无得弹啦。三木价钱都均真，2百3蚊，食到5碟海胆寿司都围到皮la, 如果月头银根松动，俾多少少钱，食好d, 食好好多，使乜惊